Urkabustaizko Udalak hondakinen sorrera gutxitu eta kudeaketa arduratsua bultzatzeko kanpaina jarriko du martxan. Horretarako, udalerrian, hondakinen frakzio ezberdinen kudeaketa egokia egiteko dauden aukerak/zerbitzuak ezagutzera emateko eskuorria zabalduko da. Honez gain, proiektu honen baitan, Urkabustaizen martxan dauden auzo konpostaje guneen mantentze eta jarraipen lanak gauzatu dira.
Kanpaina honek Eusko Jaurlaritzako Ekonomiaren Garapen, Jasangarritasun eta Ingurumen sailaren babesa eta dirulaguntza jaso du, 2020. urteko Garapen Jasangarria sustatzeko dirulaguntza lerroan aurkeztutako proiektuari esker.
