Igande honetan, urriak 27, Urkabustaizko XIV. Nekazal eta Abeltzain Azoka egingo da.
11:00etan ganadua azokan sartuko da.
11:00etatik 14:30era, zaldi, behi, ardi eta ahuntz azienden erakusketa izango da; eta baita nekazaritzako elikagai eta artisauen erakusketa ere.
11:30ean, IV. bolo txapelketa.
12:00etatik 13:00etara, musika animazioa Urkabustaizko Musika Eskolako kideen eskutik.
12:00etatik 14:30era, egurrezko jolas erraldoiak.
12:30ean, hurritz makilen lehiaketa.
13:00etan, herri kirolen erakustaldia, Oketa – Zigoitiaren eskutik.
14:00etan kontzentrazioa plazan, ‘Makroproiekturik ez’ lelopean.
14:15ean, artisautza produktuen zozketa.
Horrekin lotuta, Udalak jakinarazi du, azoka dela-eta, igandean autoen zirkulazioa moztuta egongo dela tren geltokiaren eta okindegiaren artean 07:30etik 16:00etara, azokan ibiliko diren pertsonen segurtasuna bermatzeko asmoz. Horregatik, ohartarazten zaie han bizi direnei tarte horretan ezingo dituztela hango aparkaleku ezta garajeak erabili. Barkatu eragozpenak.
